“Tani mund të dëgjoni anën time të historisë”, Beatrix publikon këngë dedikuar Donaldit të quajtur “Faj”

“Tani mund të dëgjoni anën time të historisë”, Beatrix publikon këngë dedikuar Donaldit të quajtur “Faj”

Këngëtarja shqiptare, Beatrix Ramosaj, ka qenë shumë e komentuar këto javë pas u largua nga shtëpia e Big Brother VIP.

Lidhja që krijoi brenda shtëpisë me aktorin Donald Veshaj, bëri që ajo të përballet edhe me paragjykime, nga ata fansa që Donaldin e shihnin të përkryer si partner të ish-të dashurës, prezantueses Bora Zemani.

Sido që të jetë, pas daljes Ramosaj ka reflektuar dhe ka parë se si është parë lidhja e saj me Donaldin nga jashtë, duke bërë ditë më parë një rrëfim emocional në rrjetet sociale.

Ndërkohë, në të njëjtën kohë ajo duket se ka përgatitur edhe një këngë të re, e cila i dedikohet tërësisht aventurës së Big Brother VIP dhe në veçanti lidhjes me aktorin.

“Faj” mban titullin kjo këngë e cila është ritmike në sensin e baladës dhe është shkruar nga vet ajo dhe Albani.

Beatrix publikoi një pjesë të këngës në llogarinë e saj zyrtare në Instagram duke shkruar në mbishkrimin e saj: “Tani mund të dëgjoni anën time të historisë”.

Kënga është publikuar në kanalin YouTube vetëm me audio dhe tekst, gjersa për orkestrimin është kujdesur producenti Marko Polo. /Aleanca.press/